Aqrar Tədqiqatlar Mərkəzinin direktoru İTV-nin “Diqqət mərkəzi”ndə - VİDEO

Aqrar Tədqiqatlar Mərkəzinin (ATM) direktoru Firdovsi Fikrətzadə İctimai Televiziyanın (İTV) “Diqqət mərkəzi - Yekun” proqramının qonağı olub. Verilişdə işğaldan azad olunmuş ərazilərdə kənd təsərrüfatının bərpası və prioritetlər barədə söhbət gedib, görülən işlərdən, qarşıda duran vəzifələrdən danışılıb.

Mərkəz direktoru işğaldan azad olunmuş rayonlar üzrə kənd təsərrüfatının ənənəvi strukturuna nəzər salıb, kənd təsərrüfatı məhsullarının əsasən 3 istiqamətdə -ölkənin ərzaq təhlükəsizliyi, ixrac potensialı və emal sənayesi baxımından, eləcə əməktutumluluq və məşğulluq sarıdan dəyərləndirməsini aparıb.

Həmçinin mərkəz rəhbəri sözügedən bölgə üçün yeni trend olacaq meyvəçiliyin perspektivlərindən danışıb.

Verilişdə azad olunmuş ərazilərə qayıdış, kənd təsərrüfatının bərpası planları, torpağın mülkiyyət forması, təsərrüfat sisteminin qurulması yönündə də maraqlı müzakirələr aparılıb, reallıqlara, problemlərə toxunulub.

Verilişin videoyazısını təqdim edirik: