2024
Qəbul Planı, Qəbul Qaydaları, qəbul üçün tələb olunan sənədlər, xarici dil imtahanının təxmini strukturu və ixtisas fənni imtahanının sualları
Azərbaycan Respublikasının Kənd Təsərrüfatı Nazirliyi tabeliyində Aqrar Tədqiqatlar Mərkəzi Azərbaycan Respublikası Nazirlər Kabinetinin 2024-cü il 27 mart tarixli Sərəncamı ilə təsdiq olunmuş “Azərbaycan Respublikasının ali təhsil müəssisələrinin, elmi müəssisə və təşkilatların 2024-cü il üçün doktorant və dissertant hazırlığı üzrə qəbul planları”na əsasən fəlsəfə doktoru və elmlər doktoru hazırlığı üzrə Sahə İqtisadiyyatı – 5312.01 ixtisasına doktorantura və dissertanturaya qəbul elan edir.
Fəlsəfə doktoru və elmlər doktoru hazırlığı üzrə doktorantura və dissertanturaya qəbul olmaq istəyən şəxslər https://portal.edu.az/ saytı üzərindən “Şəxsi kabinet” vasitəsilə müraciət edə bilərlər. Sistem üzərindən müraciət üzrə cari və növbəti addımları izləmək də mümkündür. Müraciətlərinə müəssisə tərəfindən müsbət rəy verilən şəxslər xarici dil imtahanlarında iştirak edə biləcəklər.
Sənəd qəbulu prosesinə 16 aprel saat 11:00-dan etibarən start verilib. Sənəd qəbulu prosesi mayın 15-i saat 18:00-da başa çatacaq.
Aqrar Tədqiqatlar Mərkəzi üzrə təsdiq olunmuş Qəbul Planını təqdim edirik:
Fəlsəfə doktoru proqramı üzrə doktorantura, büdcə hesabına
|
İxtisasın şifri |
İxtisasın adı |
Plan yer sayı |
|
|
Əyani |
Qiyabi |
||
|
5312.01 |
Sahə iqtisadiyyatı |
- |
1 |
Fəlsəfə doktoru proqramı üzrə doktorantura, ödənişli əsaslarla
|
İxtisasın şifri |
İxtisasın adı |
Plan yer sayı |
|
|
Əyani |
Qiyabi |
||
|
5312.01 |
Sahə iqtisadiyyatı |
1 |
1 |
Fəlsəfə doktoru proqramı üzrə dissertantura, büdcə hesabına
|
İxtisasın şifri |
İxtisasın adı |
Plan yer sayı |
|
5312.01 |
Sahə iqtisadiyyatı |
1 |
Elmlər doktoru proqramı üzrə doktorantura, büdcə hesabına
|
İxtisasın şifri |
İxtisasın adı |
Plan yer sayı |
|
|
Əyani |
Qiyabi |
||
|
5312.01 |
Sahə iqtisadiyyatı |
- |
3 |
Aqrar Tədqiqatlar Mərkəzi üzrə doktorantura və dissertanturaya
QƏBUL QAYDALARI
Azərbaycan Respublikasının Kənd Təsərrüfatı Nazirliyi tabeliyində Aqrar Tədqiqatlar Mərkəzi üzrə doktorantura və dissertanturaya qəbul olmaq istəyənlərin nəzərinə:
- Fəlsəfə doktoru proqramı üzrə doktoranturaya ali təhsil pilləsinin magistratura səviyyəsini bitirmiş (magistr dissertasiyasını müdafiə etmiş) Azərbaycan Respublikası vətəndaşları qəbul oluna bilərlər.
- Doktoranturaya qəbul olmaq istəyənlər xarici dildən (rus dili istisna olmaqla, seçim sərbəst və ya ixtisasa uyğun olmalıdır), fəlsəfədən və ixtisas fənnindən ali təhsil pilləsinin magistratura səviyyəsi üçün qüvvədə olan tədris proqramları həcmində qəbul imtahanları verməlidirlər. Xarici dildən imtahanda iştirak etməyənlər fəlsəfə üzrə imtahana, fəlsəfə üzrə imtahanda iştirak etməyənlər isə ixtisas fənnindən imtahana buraxılmırlar.
- Xarici dil üzrə imtahan Azərbaycan Respublikasının Dövlət İmtahan Mərkəzi (bundan sonra – DİM) tərəfindən keçirilir. Xarici dil üzrə imtahanın məzmunu, vaxtı, imtahan nəticələrinin qiymətləndirilməsi qaydası və keçid balı DİM tərəfindən müəyyənləşdirilir. Xarici dildən imtahanda keçid balını toplayan şəxslər fəlsəfədən imtahana buraxılırlar. Xarici dil üzrə qüvvədə olan beynəlxalq dil sertifikatına (IELTS, TOEFL, TestDaF, DELF, DALF) malik olanlar xarici dil üzrə qəbul imtahanından azad olunurlar. Beynəlxalq dil sertifikatının imtahan nəticələrinin keçid balına ekvivalentliyi DİM tərəfindən müəyyən edilir.
- Fəlsəfə fənni üzrə imtahan Azərbaycan Respublikası Kənd Təsərrüfatı Nazirliyi tərəfindən keçirilir.
- İxtisas fənnindən qəbul imtahanını Aqrar Tədqiqatlar Mərkəzinin rəhbəri tərəfindən yaradılan komissiyahəyata keçirir və imtahana yalnız xarici dil imtahanından müvafiq keçid balını toplamış və fəlsəfə fənlərindən “məqbul” almış şəxslər buraxılır.
- Şəffaflığın və ictimai nəzarətin təmin edilməsi məqsədilə Aqrar Tədqiqatlar Mərkəzində həyata keçirilən ixtisas fənnindən qəbul imtahanının gedişinin sosial şəbəkə üzərindən birbaşa yayımlanmasınəzərdə tutulur.
- Dissertantlıq yolu ilə “Fəlsəfə doktoru” elmi dərəcəsi almaq hüququna ali təhsil pilləsinin magistratura səviyyəsini bitirmiş (magistr dissertasiyasını müdafiə etmiş), müvafiq tədqiqat sahəsində müəyyən müvəffəqiyyətləri olan və əsas iş yeri ali təhsil müəssisəsi, elmi müəssisə və təşkilat olan elmi və elmi-pedaqoji kadrlar malikdirlər. Dissertant kimi təhkim olunmaq istəyən şəxslər azı 2 il elmi və ya elmi-pedaqoji iş stajına malik olmalıdırlar.
- Dissertantlıq yolu ilə “Fəlsəfə doktoru” elmi dərəcəsi almaq istəyən şəxslər xarici dildən (rus dili istisna omaqla, seçim sərbəst və ya ixtisasa uyğun olmalıdır) yuxarıda göstərilən qaydada qəbul imtahanı verirlər.
- “Elmlər doktoru” elmi dərəcəsi almaq hüququna “Fəlsəfə doktoru” (elmlər namizədi) elmi dərəcəsi olan və əsas iş yeri ali təhsil müəssisəsi, elmi müəssisə və təşkilat olan elmi və elmi-pedaqoji kadrlar malikdirlər.
- Doktoranturaya və dissertanturaya qəbul olmaq istəyənlər xarici dil imtahanının təxmini strukturu və ixtisas fənni imtahanlarının sualları ilə aşağıdakı linklərə keçid etməklətanış ola bilərlər:
https://atm.gov.az/az/activity/14/xarici-dil-imtahaninin-texmini-strukturu/
https://atm.gov.az/az/activity/11/ixtisas-fenninden-imtahan-suallari/
- “Elmlər doktoru” və “Fəlsəfə doktoru” proqramı üzrə iddiaçıların müvafiq tədqiqat sahəsində yerinə yetirdikləri işlər, çap olunmuş elmi əsərləri və ya seçilmiş ixtisas üzrə təqdim etdikləri referat (fəlsəfə doktoru iddiaçıları), iştirak etdikləri konfranslar, layihələr, proqramlar və s. barədə təqdimatla çıxış etmələri nəzərdə tutulur.
Doktorantura və dissertanturaya qəbul üçün tələb olunan
SƏNƏDLƏR
- Ərizə (doktoranturanın fəaliyyət göstərdiyi təşkilatın rəhbərinin adına);
- Kadrların şəxsi-qeydiyyat vərəqi;
- Tərcümeyi-hal;
- 4 ədəd fotoşəkil (3x4 sm ölçüdə);
- İş yerindən xasiyyətnamə;
- İş stajı olanlar üçün əmək kitabçasından çıxarış (surəti);
- Çap olunmuş elmi işlərin siyahısı (və ya fəlsəfə doktoru hazırlığı üzrə ixtisasa aid referat);
- Ali təhsil müəssisəsini bitirmək haqqında diplomun müvafiq qaydada (notariusda) təsdiq edilmiş surəti (xarici ölkələrdə təhsil almış Azərbaycan Respublikası vətəndaşları üçün təhsil haqqında sənədlərin tanınması haqqında şəhadətnamə);
- “Elmlər doktoru” elmi dərəcəsi iddiaçısı üçün fəlsəfə doktoru (elmlər namizədi) diplomunun müvafiq qaydada təsdiq edilmiş surəti;
- Şəxsiyyəti təsdiq edən sənədin surəti.